23 de maig 2016

En Ondas setm. 21 D. Lekuona Catí Soublès Sépanso Bearn Esbangalada sanitària a Lac


Si jamei arrés ne's lhèvan per díser e acarà's a çò qui non va pas qu'ei la desesperança.

Uei que parlam de la situacion sanitària dens l'ola de Lac dab Catí Soublès de la SEPANSO Bearn, que dam quate novèlas de las peticions en favor de l'ensenhament de l'occitan e que destecam lo somari deus Reclams 838.
 

A Pau au Collègi Sent Maur
: signem la peticion “Pour le maintien de l'enseignement de l'Occitan au Collège Saint Maur de Pau”sus MesOpinions.com http://www.mesopinions.com/recherche?t=Pour+le+maintien+de+l%27enseignement+de+l%27occitan+au+coll%C3%A8ge+Saint+Maur+de+Pau

Reclams 838 qu'ei sortit en version papèr (amantolada de blau, compaginada per Maria Javaloyès) e en version electronica http://www.reclams.org creatz-i lo vòste compte qu'ei plen de ressorças literàrias lo site com la revista. Ua revista qui a besonh d'abonats : 25 euros l'adesion e l'abonament a la revista qui en 2016 (120 ans arron la soa creacion) e torna trimesadera. Esitetz pas, datz la man a la revista mei vielha de literatura enqüèra viva !

Catí Soublès que l'encontram au parat de l'esbangalada (escandale sanitari) de l'ola de Lac : subermortalitat, omerta e desinformacion que son los sauneis d'espanta qui era com d'autes a la SEPANSO e combaten. Ligams per s'informar (sus domenja.blogspot.fr e sepanso64)
Las musicas d'En ondas :
* Arild Andersen group Electra 7th Background
* Brian Eno / John Hopkind / Leo Abraham Small craft on a milk sea Late Anthropocene
* Arild Andersen group Electra Birth of the universe