25 d’abr. 2016

E n'ètz d'avís ? 128 Deishem l'avion 2/2


Quitament si'ns platz hèra e si non malautejam pas en avion, n'ei pas tan exaltant qu'aquò de préner l'avion. Per l'aver pres mensh de 10 viatges que sèi que i son hòrt de constrentas : lutar contra l'estrès associat a la dangerositat, aus oraris, a la preséncia de militars armats dens los aeropòrts, a la limitacion o la pèrda deus bagatges, a estar horucat en doana, au mau de l’aire per còp, a l’immobilitat pendent periòdes longs, au descalatge orari, a la promiscuïtat en cabina, a l'obligacion de's procurar un passapòrt e per còp un visa, de's har vaccinar e de préner ua assegurança d'assisténcia e medicau, a assumir la pollucion a la quau participam, a's chepicar de's har plan compréner ua còp arribada a destinacion que sia la lenga, los usatges, la moneda e solide au pes de la còsta deu bilhet. Rasons e emmerdaments qui nse deverén descorar de préner l'avion.