29 d’oct. 2014

En Ondas que receu a Joan Guilhem Rouquette entau 8au n° deus Cahiers Max Rouquette EXCEPCIONAU !

Us privat a gratis, us public mercés de contactar d'abòrd domenja@gmail.com

Reconeishut de tard peus eleits literaris en França, Max Rouquette (1908-2005) que persegueish d'abeurar poderosament lo monde qui vivem : Collòquis, conferéncias, lo ric site internet de Las amistats Max Rouquette webmasterizat per Georges Souche, ua mustra e la revista "Les cahiers Max Rouquette" vaduda en 2007 que permeten de tostemps aver accès a ua òbra literària d'un gigantisme uman e d'ua sensualitat incredibla que parlan a tot cadun.
2014 que ved espelir lo ueitau numèro deus Cahiers Max Rouquette. Aquestes quasèrns que son an per an ua referéncia non sonque literària, mes societau : ua mena d'enciclopedia de las arts e de la pensada en miralh a la societat que vivem. 
Max Roqueta qu'estó ua personalitat estructuranta de l'escritura e solide de la militança occitanas.
Que visitaratz l'excellent site www.max-rouquette.org
Unic invitat d'En Ondas aquesta edicion : Joan Guilhem Rouquette, arderós exploraire e partatjaire de l'òbra de Max Rouqueta, lo son pair.
N°8 Cahiers Max Rouquette 128p. ill. NB 20 €uros. Associacion Amistats Max Rouquette 2, rue de l'ancien courrier 34000 Montpellier.
Las musicas d'En Ondas
Une anche passe Chimariotiko + Selfo + Grava + So Low
Rasims de Luna Max Rouquette Jakes Aymonino Manufacture verbale Las paraulas
Sonaus de Joan Francés Tisnèr Crane airways deu disc Transpòrts Tisnèr S.A. e lo remix de Francés Dumeaux tà sortir de l'emission.
© Fòto Camberoque (probable pas solida)