29 d’oct. 2013

Jòclong : Rasims de Luna


Rasims de Luna ua edicion excepcionaument supèrba que vatz saborar sus Ràdio País. Lo disc que data de 2008 (centenari de vaduda de Max Roqueta). Las presentacions que son signadas Franck Tenaille e Philippe-Jean Catinchi, las fotografias de Georges Souche e André Hampartzoumian.


Lo repertòri tirat de l'òbra de Max Rouquette qu'ei un envit a un viatge dens l'univèrs de l'autor. Los tèxtes que son extrèits de D'aicí mila ans de lutz, Lo Maucòr de l'unicòrn, Los saumes de la nuòch, Bestiari e Verd Paradís. L'edicion qu'ei assegurada per las Amistats Max Rouquette. La maqueta e lo visuau que son de Georges Souche. La votz e lo guide per la prononciacion qu'ei Rotland Pecout.Los compositors que son Laurent Audemard entà la clarineta, lo saxofòne (Fava Donnadieu), la bateria de Denis Fournier, entà la contrabaisha de Guillaume Seguron e Jakes Aymonino entà las votz de Nadine Gabard, Marianne Mazeau, Jakes Aymonino e Joan Francés Tisnèr.

Rasims de Luna qu'ei lo ueitau numèro de la colleccion de musica tà préner lo temps de Ràdio País.

Difusion e presentacion de musicas non trobaderas en ràdio (quitament sus Ràdio País) : espectacles concèptes, enregistraments en integralitat o espectacles en viu, principaument de musica occitana.

A 2h lo vrèspe lo dijaus e 4h lo vrèspe lo dissabte.

Produccion e presentacion Domenja Lekuona.