10 d’abr. 2013

Antoine Cottereau paisan-vagamond


Dimars ser lo 9 d'abriu, Antoine Cottereau, 26 ans, que devisa a L'Entropie, la libraria-licéncia 4 de l'arrua Bernadòta a Pau.

Moment de gràcia de trabucar lo paisan-vagamond, un d'aqueths encontres qui comptan.

Que partatja, tranquille, la soa experiéncia illustrada per diaporamas entercalhats de filmòts. Un camin de la seda on v'embarca dab umor, gaujor, sensibilitat e luciditat dinc a en Papoasia en passar peu Maramurès de Romania, peu Curdistan turc, per l'Iran (e i apréner lo farsí), lo Rajasthan, los Imalaias, l'Índia... dinc a la dusau mei grana isla deu monde : la Papoasia. Que's presenta tot purmèr au noste micro : entervista en francés de trobar ací.

Qu'ei sus Pau quauques dias enqüèra Antoine Cottereau : aqueste dijaus 11 d'abriu a 7 òras deu ser a la bòrda de la MJC Berlioz. Encontre organizat per laMaison de la montagne que's perlongarà dab un repaish turc ; e divés lo 12 d'abriu qu'averatz lo parat de l'encontrar au restaurant de l'arrua Tran La Magie de la casserole, tostemps a Pau tostemps a 7h lo ser.

Entervista sancèra cuelhuda per Domenja Lekuona dens En Ondas deu 1èr de mai. En aténer bon encontre dab Antoine Cottereau paisan-vagamond !

Envità'u ? 0761480791. Ne saber mei ? http://paysanvagabond.wordpress.com/