15 d’abr. 2011

Accidents nuclears au Japon : inedits e en cors




Fukushima Dai-ichi :
cap a la catastròfa nucleara mei grana
Situacion hòrt grèu : evacuacion a Fukushima e entorns dens lo silenci, exòde probable de mantuns centenats de milèrs de personas
[7 milions que son dirèctament en dangèr, 43 milions Tòquio, poblacion totau 128 milions]
(MAJ 15/04/2011 10h46)
Lo 15/04/2011 in "Sciences et avenir" suu blòg de Dominique Leglu : lo dangèr que son adara las reaccions de fission dens las piscinas e sustot la n° 4 que desgatja ua grana radioactivitat e que risca d'espetar : arribarà çò qui èra inscriut que devora aparir ?
Lo 12/04/2011 lo Japon que relhèva l'accident de Fukushima Dai-ichi au nivèu mei haut coneishut dinc adara ce tà díser a 7. Nosautes non cambiam lo títol e sostítol deu noste article. Jornalistas que tròban contradiccions dens la comunicacion deu Japon : e si començavan d'abòrd per estudiar çò qui an despuish lo començar devath deus uelhs en plaça de dar reclam a l'intoxicacion convencionau ambienta ?
Arron lo  tèrratrem replica deu 11/04/2011 (magn. 7.1) : extension deu perimètre d'evacuacion au-delà deus 20km, los emplegats de la centrala de Fukushima evacutats.
Centrala d'Oganawa : polemica sus ua hueita o ua subercolada d'aiga radioactiva dens la mar arron la replica sismica (magn. 7.1) deu 7/4.
Fukushima: qu'an tapat la hueita d'aiga, mes que luseish la risca d'explosion.
Tepco que s'i ei escadut a arrestar la hueita d'aiga radioactiva qui's barrejava hens lo Pacific. Mes l'operator de la centrala de Fukushima que s'aprèsta d'ara enlà a ua risca d'explosion navèra ligada a  l'acumulacion d'idrogèn dens lo reactor. Que deverén injectar azòt hens lo reactor 1.
Mensonjas, incompeténcia, lei deu profieit, abandon de las poblacions = V E R G O N H A  !  !  !
Sus plaça los 500 a 600 "liquidators", lo mei sovent recrutats per agéncias d'interim e tant delicatament chafrats "carn a rem" (rem= anciana faiçon de comptabilizar la radioactivitat) que son exaurits, sos alimentats, daubuns que precisan que non avèvan pas podut cambiar de sos vestits despuish mei de quinze dias, dus repaishs per dia e 1 litre 5 d'aiga per dia !!!... I anaràn har còrda los tanhents deu nuclear en plaça lor per 85 euros per dia ?
Natalia Mironova, engenhaira en termodinamica, opausanta au nuclear de 1986 enlà :"Fukushima (tres reactors e 5 piscinas en situacion perilhosa sus tres setmanas e en cors) qu'ei sordeish que Chernobyl (un reactor sus 2 setmanas)." AFP Canoë Canada
D. Lekuona papèr d'opinion (be semblan n'estar tots aquestes torns!!!)  e subertot messatge d'alèrta Playlist Fukushima select. DL Youtube